زعتر اخضر مسابقة ملكة المعجنات

40 5٬013
 

زعتر اخضر مسابقة ملكة المعجنات

الزعنر الأخضر مسابقة ملكة المعجنات

زعتر اخضر مسابقة ملكة المعجنات

زعتر اخضر مسابقة ملكة المعجنات, معكم صديقة زاكي الشيف الموهوبة ,أم علاء أبو يحيى

المقادير

  • ست كاسات طحين
  • كاستين مي او حسب نوع الطحين
  • معلقه كبيره خميره
  • معلقه كبيره سكر
  • معلقة ملح
  • معلقه صغيره خل
  • معلقتين لبن زبادي
  • ربع كوب زيت
  • معلقتين كبار حليب باودر
  • زعتر اخضر
  • راسين كبار بصل
  • سماق الكميه حسب الرغبه
  • زيت زيتون
  • عصير ليمون حسب الرغبه للي بحب الحامض
  • رشة ملح

الخطوات

الله يسعد اوقاتكم حبيباتي

الزعتر الاخضر من الاكلات الفلسطينيه المشهوره والطيبه المحببه لدى الجميع والمفيده لانها بتعتمد على الزعتر الاخضر الجميل وزيت الزيتون الرائع المفيده بصراحه لما اتبعت هذه الطريقه الزعتر صار يطلع معي روعه بس لازم تعرفوا انو الزعتر الاخضر ما بدو عجينه يابسه كتير حتى تقدري تشكليه وبرضو العجينه ما تكون خامره كتير عشان ما يصير خميل بعد الخبز طبعا بنبلش بالعجينه بنحط الخميره ومعلقة السكر بكوب بنضيف عليهم ما فاتر وبنحركهم وبنتركهم حتى يتخمرو وبضع المقادير الجافه في العجانه اوفي وعاء العجن وبحركهم وبضيف الخميره والمواد السائله وببلش بالعجن وفي الاخر بضيف الزيت بعجنو مزبوط وبغطي العجينه وبتركها تتخمر وبعدين بقطعها وبتركها ترتاح انا قطعتها قطع كبيره شوي لانو الزعتر الاخضر بدو فرد حجم الرغيف بكون كبير شوي

الحشوه زعتر اخضر منقب ومغسول ومنشف كويس من المي بفرمو فرم بسيط وبكون فرمه البصل بحطو على النار مع شوية زيت لم يدبلو بضيف الزعتر وبقلبو ا شوي على النار وبضيفلو الملح السماق والليمون حسب الرغبه وبطفي تحته حاولي قبل ما تشتغلي انل تعصريه اذا فيه سوائل طبعا ما تكبيها لانو فيها ليمون وزيت بس تطلع.

الفطائر من الفرن بترشيه عليها بعد ما تبرد الحشوه بتبلشي بالشكيل بترقي العجينه كويس بشكل دائري متل الرغيف وبترشي عليه الزعتر وبطبقيها كويس من الجوانب وبتتركيها ترتاح وبعدين بترقيهبيدك وهي مسكره حت تمد معك وكل هذه الخطوات طبعا بزيت الزيتون لان زيت الزيتون الاصل في هذه الاكله

طبعا انا عملت تشكيله تانيه جبنه مع زعتر وزعتر ناشف

والف صحه وهنا يا رب تعجبكم احفظوها عندكم لوقت الحاجه رح تفيدكم ربي يحفظكم ويحقق لكل وحده فيكم امنيتها بحق هذه الايام الفضيله…وشكرا لكم


عرض التعليقات (40)